اداري غونډه
د کلیو د بیارغونې او پراختیا وزارت سرپرست وزیر الحاج ملا محمد یونس اخندزاده په مشري نن د ياد وزارت د کنفرانسونو په تالار کې د مالي او اداري مرستیال الحاج مولوي عبدالرحمن حلیم، د کلیو و دانیزو چارو مرستیال مفتی سید احمد مستقیم او مرکزي رئیسانو سره اداري غونډه ترسره شوه.
په یاده اداري غونډه کې له فتحې څخه مخکې د تضمیناتو، طلباتو او تأمیناتو د مکتوب، عملیاتي پلان، د اداري ریاست د داغمه اجناسو د بیه ټاکلو، د وزارت د شتمنیو د صفايي محصول، مرکز ته د کلیوالي سړک جوړونې ریاست د وسایطو لیږد او له روانو پروژو څخه د څارنې په هکله له ګډونوالو سره خبرې وشوې.
د غونډې په پای کې د شته ستونزو د هوارولو په اړه د وزارت مقام له خوا لازم هدایات ورکړل شول .
او غونډه د دعائیې په ویلو سره پای ته ورسیده.
