په افغانستان کې د نړیوال خوراکي پروګرام (WFP) مشره شاویلی) او ورسره مل پلاوي د کلیو د بیارغونې او پراختیا وزارت له سرپرست وزیر الحاج ملا محمد یونس آخندازاده سره وکتل
په افغانستان کې د نړیوال خوراکي پروګرام مشرې وویل: زمونږ هدف په افغانستان کې بېوزله او اړمڼو خلکو ته مرستې رسول دي. مونږ د افغانستان په ټولو ولایتونو کې له بېوزله او مستحقو کورنیو سره مرستې کوو او زمونږ په مرستو کې لومړني خوراکي توکي او نغدې پیسې شاملې دي چې پر اړمنو کسانو ویشل کیږي. همدارنګه مونږ په ډیرو ولایتونو کې د کار په بدل کې خوراکي توکي پروژې پلي کوو چې له دې طریقه خلکو ته د کار زمینه برابریږي.
او همدا راز دوی خپلې ستونزې او مشورې له وزیر صاحب سره شریکې کړې.
د کلیو د بیارغونې او پراختیا وزارت سرپرست وزیر الحاج ملا محمد یونس آخندزاده میلمنو ته د ښه راغلاست تر څنګ په ولایتونو کې د نړیوال خوراکي پروګرام (WFP) د خوراکي توکو او د نغدي پیسو دوامداره مرستو څخه مننه وکړه او وویل : مونږ غواړو چې د مرستو په ویش کې لا هم ښه شفافیت راولو او زمونږ اړوند ریاستونه په مرکز او ولسواليو کې مستحقو کورنېو ته د مرستو رسولو کې ښه رول لري او ډاډ يې ورکړ چې د کلیو د بيا رغونې او پر اختیا وزارت اړوند ریاستونه او همدا راز په ولسوالیو کې مدیران به تر مستحقو خلکو پوري د مرستو په رسولو کې ستاسي سره همکاري کوي څو مستحقو او بیوزلو خلکو ته مرستې ورسوي.
دواړو خواوو د مستحقینو د تشخيص په پروسه کې د شته ستونزو يادونه وکړه او د حل کولو په موخه يې د دواړو اړخونو له خوا د تخنيکي کميټو پر بحث موافقه وشوه. چې په نژدې راتلونکي کې به مفصل مجلس باندې وکړي.
