په تخار کې د ۲.۶ میلیونه افغانیو په لګښت د ۲۰۰ کورنیو لپاره د څښاک پاکې اوبه برابرې شوې
د کلیو بیارغونې او پراختیا وزارت په کلیوالي سیمو کې د اوبو رسولو او حفظ الصحې ملي پروګرام له لوري د تخار ولایت د رُستاق ولسوالۍ په سمرغیان کلي کې د ۲.۶ میلیونه افغانیو په لګښت د شاوخوا ۲۰۰ کورنیو او د یوه ښوونځي د ۵۰۰ زده کوونکیو لپاره د اوبو رسولو د یوې لمریزې شبکې په جوړیدو سره د څښاک پاکې اوبه برابرې شوې.
په دغه پروژه کې د یوې زیرمې او سولرونو لپاره د یوې احاطې جوړول، د۲.۸ کیلومتره اوږدې شبکې غځول او د ۲۰ سولرونو او نورو اړینو وسایلو لګول شامل وو.
د اوبو رسولو د یادې شوې شبکې د جوړولو چارو دغه راز د ځايي خلکو لپاره شاوخوا ۲۰۰۰ کاري ورځې هم رامنځته کړې.
