د اسیا پرمختیایي بانک به د ۱۱۵ ميلیونه ډالرو په ارزښت په افغانستان کې نوي پروژه پیل کړي.
د کلیو بیارغونې او پراختیا وزیر پوهندوی مجیب الرحمن کریمي د افغانستان لپاره د آسیايي پرمختیایي بانک رییس ښاغلي نریندرا سنګرو او ددغه بانک د کرهڼې او زېرمو د سکټور رییسې آغلې یاسمین سره د پرمختیایي پروژو د تطبیق په اړه انلاین غونډه وکړه.
د کلیو بیارغونې او پراختیا وزیر د اسیا پرمختیایي بانک له مرستو مننه وکړه او زیاته یې کړه، چې یادو مرستو د افغانانو په ژوند ښه اغېز کړی دی.
د دې ترڅنګ یې د کلیوالي کرنیزو ځمکو د اوبو کولو ( community Driven Irrigation Management ) په نوي پروژې بحث وشو.
د اسیا پرمختیایي بانک استازو وویل، دا یوه مهمه پروژه ده، چې ۱۱۵ ميلیونه ډالره اززښت لري او د کرهڼې وزارت سره به په ګډه تطبیق شي او همدرنګه یې زیاته کړه، چې د پرمختیايي پروژو د تمویل په برخه کې به خپلو همکاریو ته د تیر په شان دوام ورکوي.
