په غورکې د ۵۶ کورنیو لپاره د څښاک پاکې اوبه برابرې شوې
د کلیو د بیارغونې او پراختیا وزارت په کلیوالي سیمو کې د اوبو رسولو او حفظالصحې د پروګرام له لوري د غور ولایت د لعلوسرجنګل ولسوالۍ په نوآسمان کلي کې د۸۷۹ زره افغانیو په لګښت د څښاک د اوبو یوه شبکه جوړه او ګټې اخیستنې ته وسپارل شوه.
په دغه پروژه کې د یوې چینې او یوې زیرمې جوړول، د ۱۷۰۰ متره اوږدې شبکې غځول، د ۲۳ نلکو، مېترباکسونو او ځینو نورو اړینو پُرزو نصبول شامل وو.
دې پروژې د شاوخوا ۵۶ کورنیو لپاره د څښاک پاکې اوبه برابرې کړي.
او د جوړولو چارویې د ځايي خلکو لپاره شاوخوا ۱۲۰۰ کاري ورځې هم رامنځته کړې.
