په بادغیس کې د ۱۳.۸ میلیونه ډالروپه ارزښت د قادس د ذخیروي بند د جوړولو چارې روانې دي
د کلیو دبیارغونې او پراختیا وزارت په کلیوالي سیمو کې د اوبو رسولو او حفظالصحې د پروګرام له لوري د بادغیس ولایت د قادس ولسوالۍ اړوند په قادر آباد سیمه کې، د قادس خوردک د ذخیروي بند، د جوړولو چارې روانې دي.
د قادس د بند جوړولو پروژه په بادغیس ولایت کې یوه مهمه او حیاتي پروژه ده چې موخه یې په قادس ولسوالۍ کې د ځمکې لاندې اوبو (لکه کاریزونو او چینو) او د قلعهی نو ښار د اوبو رسولو د شبکې د سرچینو (څاه ګانو) پیاوړي کول ـ چې په قلعهی نو ښار کې د (۶۵۰۰۰) کسانو لپاره د څښاک اوبه برابروي ـ د (۱۴۰۰) هېکتاره کرنیزې ځمکې خړوبول، د ځايي اوسیدونکو لپاره د کاري فرصتونو ایجادول او د کرنې او باغونو له طریقه د ځايي خلکو اقتصادي پیاوړتیا ده.
