په پکتیکا ولایت کې د سپماګروپونو ۲۰۰ غړو ته د کرونا وایروس په اړه عامه پوهاوی ورکړ شو
د کلیو بیارغونې او پراختیا وزارت د کلیوالي اقتصاد د پیاوړتیا پروګرام د کوار مرستندویه موسسې په مرسته د پکتیکا ولایت په بیلا بیلو کلیو کې د ۳۰ سپماګروپونو ۲۰۰ غړو ته چې نارینه او مېرمنو تشکیلول، په سپماګروپونو کې د غړیتوب په اړه د لومړنیو روزنو ترڅنګ د وژونکي وایروس کرونا په اړه عامه پوهاوی ورکړل شو چې د یادو ګروپونو غړي وکولای شي، د ترلاسه شویو معلوماتو او لارښوونو په رڼا کې د راغلي وبا پر وړاندې د مخنیوي لپاره خپل لازم تدابیر ونیسي.
د یادونې وړ ده، چې په پکتیکا ولایت کې تر اوسه ۱۲۰ ښځینه او نارینه ګروپونه تشکیل شوي، چې له دوی څخه ۱۱۰ ګروپونو ته د پروګرام د سیمه ییزو کارکوونکو لهخوا په سپماګروپ کې د غړیتوب مقدماتي روزنې ورکړل شوي او دا لړۍ دوام لري.
