په کندوز کې د ۶،۱ ميليونه افغانیو په ارزښت د یو ښوونځي د ودانیو جوړولو کار پیل شو
د کليو بیارغونې او پراختیا وزارت د ولسي تړون ملي پروګرام د اقرا برنامې په چوکاټ کې د کندوز ولایت د علي اباد ولسوالۍ د چیپ بالا په کلي کې د ۶،۱ ميليونه افغانیو په ارزښت د یولومړني ښوونځي د ودانۍ جوړولو کار پیل شو.
یاد ښوونځي به د انجونو لپاره په څلور میاشتو کې جوړ شي، چې اته درسي خونې، ۵ عصري تشنابونه او د څښاک اوبو یوه څاه لري.
د دې ښوونځي د ودانۍ جوړولو په کاري بهیر ۳۸۳۴ کسانو ته کاري فرصتونه برابریږي.
