په کاپیسا کې د ۳۵ میلیونه افغانیو په ارزښت د یوې پرمختیايي پروژې کار روان دی
د کلیو بیا رغونې او پراختیا وزارت د کلیوالي لار جوړولو د ملي پروګرام له لوري د کاپیسا د نجراب ولسوالۍ له باغ امان کلي د پته درې تر متان کلي پورې د ۳۵ میلیونه افغانیو په ارزښت ۲.۰۷ کیلو متره سړک او د سړک په اوږدو کې د ۳۴ متره اوسپنیز کانکریټي پل جوړولو کار روان دی.
ددې پروژې په ترڅ کې ګڼ شمیر خلکو ته د کار زمینه برابره شوې او تر بشپړتیا وروسته به یې د هغو کلیو د وسیدونکو ترانسپورتي ستونزې هوارې شي چې دا سړک ترې تیریږي.
