په جوزجان کې د ۴ میلیونه افغانیو په ارزښت ۲ پرمختايي پروژې ګټې اخستنې ته وسپارل شوې
د کلیو بیا رغونې او پرمختیا وزارت د ولسي تړون پروګرام له لوري د جوزجان ولایت د شبرغان ښار په بابه علي او چوباش پایین کلیو کې د څه باندې ۴ میلیونه افغانیو په ارزښت ۲ پرمختیايي پروژې بشپړې او ګټې اخستنې ته وسپارل شوې. يوه پروژه د د ۳۶۰ متر مکعب په ظرفیت سره د اوبو زیرمه او بله یې ۳۱۹۱ مترو په اوږدوالي د څښاک د پاکو اوبو شبکه ده ددې پروژو په بشپړیدو سره ۵۸۱ کورنیو د څښاک پاکو اوبو ته لاس رسی پیدا کړ.