د کليو بیارغونې او پراختیا وزیر د کنړ سیند دواړو غاړو ته د استنادي دیوال د جوړولو چارې د څه باندې یو ميلیارد افغانیو په ارزښت پیل کړې

دزېربناء برخه کې د ولسمشر سلاکار ښاغلي څرګند، د کلیو بیارغونې او پراختیا وزیر پوهنمل مجیب الرحمن کریمي لخوا نن په کنړ کې د کنړ سیند د استنادي دیوالونو جوړولو پروژې چارې رسماً پیل کړې.
د کلیو بیارغونې او پراختیا وزیر پوهنمل مجيب الرحمن کريمي وویل:"دا استنادي دیوال ۴۰ کيلومتره اوږدوالی لري، چې څه باندې یو میلیارد افغانۍ پرې لګښت کېږي او ۳۶۰۰ هکتاره ځمکه، چې ۲۷ ميلیارده افغانۍ ارزښت لري او د سیند اوبو شاړه کړې بیرته به په کرنیزه ځمکه بدله شي."
د کلیو بیارغونې او پراختیا وزیر وویل، ددې پروژې په کاري بهیر کې به ۸۵ زره کاري ورځې رامنځته شي، چې د سيمې ۶۰ زره خلک به ترې ګټه واخلي او چارې به یې په دوو کالونو کې بشپړې شي.
د یادونې وړ ده، چې ددې ۴۰ کیلومتره استنادي دیوال سږ کال ۲۰ کيلومتره جوړیږي، چې پاتې برخه به یې په راتلونکي کال کې جوړه شي.