د ننګرهار په مومندرې ولسوالۍ کې د ۱۵۶۴۳ کورنیو سروې
د ننګرهار ولایت په مومندرې ولسوالۍ کې د کلیو د بیارغونې او پرمختیا وزارت د دوامدارې انرژۍ د پروګرام له لارې د ۱۵۶۴۳ کورنیو سروې د لمریزې بریښنا د ویش په موخه تر سره شوه، د سروې د تدارکاتي پړاوونو تر بشپړتیا وروسته به پر دغه شمیر کورنیو د لمریزې بریښنا د تولید اړوند توکي وویشل شي، تمه ده چې د بریښنایزو توکیو تر ویش وروسته د سیمیزو خلکو په ژوندانه کې مثبت بدلون راشي.
د یاودنې وړ ده چې له دې سروې مخکې هم د ننګرهار ولایت په دور بابا، نازیانو او ګوشتې ولسوالیو کې هم ورته سروې ګانې تر سره شوې دي.
