د کلیو د بیارغونې او پراختیا وزارت محترم وزیر د نورستان ولایت له والي او قومي مشرانو سره وکتل
د کلیو د بیارغونې او پراختیا وزارت محترم وزیر الحاج ملا عبداللطیف منصور صاحب نن په خپل کاري دفتر کې د نورستان ولایت له والي ذین العابدین عابد او د یاد ولایت قومي مشرانو سره لیدنه وکړه.
د لیدنې په پيل کې د نورستان ولایت والي او قومي مشرانو د خپلو ولسونو شته ستونزې يې وزیر صاحب سره شریکې کړې او د لا زیاتو همکاریو غوښتنه وکړه.
ورپسې د کلیو د بیارغونې او پراختیا وزارت محترم وزیر الحاج ملا عبداللطیف منصور صاحب د نورستان ولایت والي او قومي مشرانو ته د ښه راغلاست ترڅنګ وویل: زموږ دنده ده چې د ولسونو ستونزې هوارې او اسانتیاوې ورته برابرې کړو، د کلیو د بیارغونې او پراختیا وزارت به د شته امکاناتو سره سم ستاسو ستونزو ته رسېدنه وکړي.
