د کلیو د بیارغونې او پراختیا وزارت خپل یو کلن فعالیتونه او لاسته راوړنې له رسنیو سره شریکې کړې
د کلیو د بیارغونې او پراختیا وزارت سرپرست وزیر الحاج ملا محمد یونس اخندزاده نن له غرمې مخکې د اطلاعاتو او رسنیو د مرکز په خبري کنفرانس کې د یاد وزارت یو کلن فعالیتونه او لاسته راوړنې رسنیو ته وړاندې کړې
په یاد خبري کنفرانس کې د وزارت مالي او اداري مرستیال الحاج مولوي عبدالرحمن حلیم، د پلان او پالیسي مرستیال الحاج مولوي شراف الدین مسلم د دفتر رئيس مولوي میرزا محمد شکیب، مرکزي رئیسانو او د رسنیو استازو ګډون کړی وو
د یاد خبري کنفرانس په پيل کې د کلیو د بیارغونې او پراختیا وزارت سرپرست وزیر الحاج ملا محمد یونس اخندزاده خپله ارزښتناکه وینا وکړه او ويې ویل: خوښ یو چې یو ځل بیا د کلیو د بیارغونې او پراختیا وزارت یو کلنې لاسته راوړنې رسنیو او خپل دردیدلي مجاهد ولس ته وړاندې کوو، دا د نیکمرغۍ ځای دی چې د تېر کال په اوږدو کې موږ د پراختیا بېلابېلو برخو کې د پام وړ فعالیتونه درلودل.
ورپسې د کلیو د بیارغونې او پراختیا وزارت د دفتر رئيس مولوي میرزا محمد شکیب د یاد وزارت د یو کلنو فعالیتونو او لاسته راوړنو په هکله معلومات وړاندي کړ.
یاد خبري کنفرانس د دعائیې په ویلو سره پای ته ورسید.
