په تخار کې د ۲۷۰ کورنیو لپاره د څښاک پاکې اوبه برابرې شوې
د کلیو بیارغونې او پراختیا وزارت د اوبو رسولو او په کلیوالي سیمو کې حفظ الصحې ملي پروګرام له لوري د تخار ولایت د اشکمش ولسوالۍ په بیشکپه فخرک کلي کې د ۴.۲ میلیونه افغانیو په لګښت د اوبو رسولو یوه لمریزه شبکه جوړه اوګټې اخیستنې ته وسپارل شوه.
د اوبو رسولو په دغه پروژه کې د یوې څاه کیندل، د یوې لوړې کانکرېټي زیرمې او د سولرونو لپاره د یوې احاطې جوړول، د څه باندې ۴،۷۰۰ متره اوږدې شبکې غځول، د ۲۰ تختو سولرونو، ۱۳۰ نلکو او داسې نورو اړینو وسایلو نصبول شامل وو.
چې ورسره د شاوخوا ۲۷۰ کورنیو لپاره د څښاک پاکې اوبه برابرې شوې.
د یادې شوې پروژې د جوړولو چارو دغه راز د ځايي خلکو لپاره شاوخوا ۳،۰۰۰ کاري ورځې هم رامنځته کړې.
