په ننګرهار کې د ۲۳۰ کورنیو لپاره د څښاک پاکې اوبه برابرې شوې
د کلیو د بیارغونې او پراختیا وزارت په کلیوالي سیمو کې د اوبو رسولو او حفظ الصحې پروګرام د ننګرهار ولایت د پچیراګام ولسوالۍ په سیدخېل عثمانخېل کلي کې د ۱.۴ میلیونه افغانیو په لګښت د اوبو رسولو یوه لمریزه شبکه جوړه او د ځايي خلکو ګټې اخیستنې ته وسپارله چې ورسره د شاوخوا ۲۳۰ کورنیو لپاره د نل پاکې اوبه برابرې شوې.
د اوبو رسولو یاده شوې پروژه د ملایان مېنې د پرمختیايي شورا لخوا تطبیق شوه او د جوړولو چارو یې د اړوندې سیمې د خلکو لپاره شاوخوا ۱۲۰۰ کاري ورځې هم رامنځته کړې.
