په ننګرهار کې د۱ میلونه افغانیو په ارزښت ۲۴۷ کورنیو ته د څښاک پاکې اوبه برابرېږي
د کلیو بیارغونې او پراختیا وزارت د ولسي تړون ملي پروګرام له لوري د شینوارو ولسوالۍ په مزرین کلي کي د څه باندې ۱ میلیونه افغانیو په ارزښت د څښاک پاکو اوبو ته دلاسرسي زمینه برابریږي.
په دې پروژه کې د څښاک د اوبو د ۶ څاه ګانو بیارغونه شامله ده، چې د تطبیق په ترڅ کې یې تخنیکي اوناتخنیکي کاریګرو ته ۲۲۰ کاري ورځې هم رامنځته کیږي. او په بشپړیدو سره به یې ۲۴۷ کورنۍ د څښاک پاکو اوبو ته لاسرسی ومومي.
باید ووایو چې په شینوارو ولسوالۍ کې د ولسي تړون ملي پروګرام له لوري داوبو لګونې، د څښاک پاکو او ته د لاسرسي، فر عي لارو، او لمریزې بریښنا په برخه کې ۱۴۲ پروژې منظورې شوي دي چې يو شمېر یې بشپړې او پاتې نورې به په نږدې راتلونکي کې بشپړې او ګټې اخيستنې ته وسپارل شي.
