په میدان وردګو کې ١٤٠ کورنیو او ٢٠٠ زده کوونکو ته د څښاک پاکې اوبه برابرې شوې
د کلیو د بیارغونې او پراختیا وزارت د اوبو رسولو او روغتیا ساتنې ملي پروګرام لوري د میدان وردګو ولایت د نرخ ولسوالۍ په چین زایي سیمه کې د څه باندې ۳.۲ میلیونه افغانیو په ارزښت د څښاک اوبو رسولو یوه شبکه ګټې اخیستنې ته وسپارل شوه.
له دې شبکې به د یادې سیمې دوو کليو ملک خیلو او اسلم خیلو کې ١٤٠ کورنۍ، د نسوان ښوونځي ٢٠٠ تنه زده کوونکې او دوه بابه مسجدونه پاکو او صحي اوبو ته لاس رسی پیداکړي.
د اوبو رسولو دا شبکه پر یو مهال د ٣٠ متره مکعبه اوبو ساتلو ظرفیت لري، چې د رغېدو پر مهال یې د سیمې اوسیدونکو ته ٢٢٦٥ کاري ورځې رامنځته کړې دې.
