په ننګرهار کې د څه د پاسه د۳۰۰ میلونه افغانیو په لګښت د ۲۳ پروژو چارې بشپړې شوي او د ۴۱ پروژو چارې روانې دي
د کلیو بیا رغونې او پراختیا وزارت د ولسی تړون پروګرام له لارې د ننګرهار ولایت په کوز کونړ ولسوالۍ کې د اوبورسولو، کانکړیټي سړکونو، کاریزونو ، ښوونځیو او د ۴۱ پروژو چارې روانې دي چې پکې څه د پاسه ۳ کیلومتره د خرم کلی کانکریټي سړک، د ۳۳۲ متره د سلام پور استنادي دیوال ، خلکو ته د څښاک اوبو رسولو ۴ شبکې، ۳۰۰ د څښاک اوبو څاګانې ، ۱۷ ښوونځیو لپاره د ودانیو جوړیدل د سیدودوې او سورچ کلیو کاریزونه او یوشمیر نورې پروژې شاملي دی چې په بشپړیدو سره به یې په بیلابیلو برخو کې زرګونو کورنیو ته اسانتیاوې برابرې شي . دغه راز په یاده ولسوالۍ کی د او بو رسولو د شبکو ، څښاک اوبو څاګانو، کانکریټي سړکونو ، بولډروال او د ولسی تړون پروګرام د پروژو په ګدون ۲۳ پروژې بشپړې شوې دي .
سزبیره پر دې په یاده ولسوالۍ کی د کلیوالي صنعتونود پیاوړتیا ملي پروګرام له لوری د میرمنو ظرفیت لوړونې او اقتصادي وړتیا د لوړولو په موخه د سپما ۳۳۷ واړه ګروپونه چې ۲۹۲ یې د ښځینه وو او ۱۴ نارینه دي جوړشوي چې کلیوال او کلیوالې میرمنې د کوچنیو کاربارونو د ترسره کولو وړتیا پیداکړي.
همدا راز په یاده ولسوالۍ کی د کلیو بیارغونې او پراختیا ریاست ترچتر لاندې د خوړو د نړیوال پروګرام له لوري ۱۵۰۰ کورنیو ته دوه ځلې خوراکي مواد ویشل شوي او د کرونا ناروغۍ په اړه د برک همکارې موسسې له لوري ۹۳ شوراګانو ته د کرونا ناروغۍ په اړه عامه پوهاوی ترسره شوی دی.
