په هلمند کې د کلیو بیارغونې او پراختیا وزارت د کلیوالي اقتصاد د پياوړتیا ملي پروګرام فعالیتونه روان دي
د کلیو بیارغونې او پراختیا وزارت د کلیوالي اقتصاد د پياوړتیا ملي پرورګرام د خپلو فعالیتونو په لړ کې چې د هېواد په ۲۳ ولایتونو کې د همکارو موسسو له لوري تطبیقېږي، دا وار یې د هلمند ولایت په مرکز لښکرګاه کې یو شمېر پرمختیايي شوراګانو ته د پروګرام په اړه عامه پوهاوی ورکړ. د دې عامه پوهاوي په پایله کې تر دې دمه ۲۳۶ د سپماګروپونه جوړ شويدي.
په هلمند ولایت کې د کلیوالي اقتصاد د پياوړتیا ملي پروګرام د (کوار) همکارې موسسې له لوري پر مخ وړل کېږي، چې د هلمند ولایت سربېره په ۶ نورو ولایتونو کې هم فعالیت کوي.
د یادونې وړ ده، چې په هلمند ولایت کې به د کلیو بیارغونې او پراختیا وزارت د کلیوالي اقتصاد د پياوړتیا ملي پروګرام له لوري د ۵ کلونو په ترڅ کې ۱۷۵۲ د سپما ګرپونه چې ۱۷۵۲۰ غړي به ولري، جوړ شي.
