په ننګرهار کې د اوبو رسولو د یوې شبکې کار نږدې پای ته رسیدلی
د ننګرهار کلیو بیا رغونې او پراختیا ریاست د انجینري ټیم د مهمندرې ولسوالۍ هزار ناو سیمه کې د اوبو رسولو د یوې شبکې لیدنه او څارنه وکړه او اړوندې شورا ته یې لازمې لارښوونې او سپارښتنې وکړې.
د اوبو رسولو دغه شبکه د کلیو پراختیا ریاست ترچترلاندې UNICEF په مالي مرسته د کوار موسسې لخوا جوړیږي چې د ۱۲۰ مترو په ژوروالي سره یوه څاه اود ۱۵۰۰۰ لیترو په ظرفیت سره د اوبو یوه ذخیره لري ددې شبکې د جوړیدو چارې په سلو کې ۹۸ بشپړې شوي او ډیر ژر به ګټی اخیستنې ته چمتوشي.
دا شبکه به ۲۸۰ کورنیو ته د څښاک پاکې او صحي اوبه برابرې کړي.
