د انجينرۍ او کرنې په برخه کې د جاپان هيواد د ماسټرۍ پروګرام لپاره ازموينه واخيستل شوه
![انستیتوت](/sites/default/files/2019-12/79368336_2476210372650209_865491113358655488_n.jpg)
د جاپان د د نړيوالې همکارۍ سازمان (جايکا) د 2020 کال د ماسټرۍ پروګرام لپاره د انجينرۍ او کرنې په برخه کې ازموينه د کليو پراختيا انسټيټوټ کې واخيستل شوه.
په دې ازموينه کې د کليو د بيا رغونې او پراختيا ورازت مرکزي او ولايتي رياستونو څخه د ۲ تنو ښځينه کارکونکو يه ګډون ۲۸ تنو کارکونکو برخه اخيستي وه، له دوي څخه به ۸ تنه راتلونکي پړاو ته ځي.
د کليو پراختيا انسټيټوټ سرپرست رئيس شهزار ځدران، ، د بشري سرچينو رئيس محمد نور کټوازي او د وزارت مقام د دفتر رئيس شاهپور عبدالرحيمزي د نظارت د کميټې د غړو په توګه له ازموينې څارنه وکړه.
دا په داسي حال کې ده، چې د کليو پراختيا انسټيټوټ د بورسونو او فيلوشپونو آمريت هرکال د جاپان د نړيوالې همکارۍ سازمان (جايکا) ته د وزارت يو شمير کارکونکي د هغوي د تحصيلي سطحي د ودې لوړوالي لپاره ياد سازمان ته معرفي کوي.