د کلیو د بیارغونې او پراختیا وزارت د کلیو ودانیزو چارو مرستيال الحاج محمد ارسلاح خروټي صاحب نن په هلمند ولايت کې د (۱۶۰۰) متره ګیبوني ديوال څخه لیدنه ترسره کړه
د کلیو د بیارغونې او پراختیا وزارت د ودانیزو چارو مرستیال او ورسره مل پلاوي د خپل کاري سفر په ترڅ کې د هلمند ولايت د ګريشک ولسوالۍ په حیات خان او ميانده کلیو کې د (۱۶۰۰) متره ګیبوني دیوال د جوړيدو څخه لیدنه ترسره کړه.
د يادونې وړ ده چې د ياد ګيبوني ديوال ټول اوږدوالی (۳۲۰۰) متره ده چې (۷۲) ميلیونه افغانۍ لګښت ورباندې راځي چې له جملې څخه يې د (۱۶۰۰) متره ديوال چارې ۸۰ سلنه پرمخ تللې دي.
د یاد ګبيوني دیوال د کار په بهیر کې به لسګونه ځوانان په کار وي او په بشپړیدو سره به يې د نوموړې ولسوالۍ سلګونه جریبه کرنیزه ځمکه، باغونه او استوګنه کورونه د سیلابونو او موسمي بارانونو له زیان څخه خوندي شي.
