په کنړ ولايت کې د اوبو رسولو یوه سولري شبکه ګټې اخيستنې ته وسپارل شوه
د کلیو د بیارغونې او پراختیا ریاست تر نظارت لاندې، د AHF مؤسسې په مالي ملاتړ او د SEARCH مؤسسې په تخنیکي همکارۍ د کنړ ولایت د سرکاڼو ولسوالۍ په شريف اباد کلي کې د اوبو رسولو د يوې سولري شبکې چارې بشپړې او ګټې اخیستنې ته وسپارل شوه.
په دغه شبکه کې د (۱۰۰) مترو په ژوروالي سره د یوې څاه کیندل، د (۵۰) متر مکعب په ظرفیت سره د اوبو یوه ذخیره، د (۵۶) شیردهنونو نښلول او (۳۰۰۰) متره پايپ غځول شامل دي چې په بشپړیدو سره يې (۲۵۰) کورنۍ د څښاک پاکو اوبو څخه برخمنې شوې. د یادونې وړ ده چې په یاد کلي کې د حفظ الصحې د مراعتولو په موخه (۶) باب عامه مبرزونه هم جوړ شوي.
