د ۱۴۰۰ لمریز کال د وري میاشتې په ترڅ کې د هیواد په ۷ ولایتونو کې د اوبو رسولو ۱۲ پروژې بشپړې شوي
د کلیو بیا رغونې او پراختیا وزارت د اوبو رسولو او کلیوالي حفظ الصحې ملي پروګرام له لوري د روان کال د وري میاشتې په ترڅ کې په بغلان، فاریاب، غور، جوزجان، خوست، پکتیا او تخار ولایتونو کې د څه باندې ۵۰ میلیونه افغانیو په لګښت د اوبو رسولو ۱۲ پروژې بشپړې او ګټې اخیستنې ته سپارل شوې دي.
په دې پروژو کې په فاریاب، غور، خوست، پکتیا او تخار ولایتونو کې د اوبو رسولو لس شبکې، په بغلان ولایت کې په لاسي پمپ سنباله یوه ژوره څاه او په جوزجان ولایت کې د اوبو رسولو یوه زیرمه راځي.
باید ووایو چې د دې پروژو د تطبیق په ترڅ کې ۳۲ زره کاري ورځې رامنځ ته شوي او تر بشپړیدو وروسته یې ۲۸ زره او ۸۰۰ کورنۍ له ګټو برخمنې شوې دي.
