تیره اونۍ د هیواد په ۵ ولایتونو کې د شپږو ښوونځيو ودانۍ جوړې شوې
د کلیو بیا رغونې او پراختیا وزارت د ولسي تړون ملي پروګرام د اقرا پروژې تر سیوري لاندې د میدان وردګو د حصه اول بهسود، د کابل په بګرامیو، د کندهار په میوند، د خوست په صبریو او د زابل په ارغنداب ولسوالیو کې د شپږو ښوونځيو ودانۍ جوړې او ګټې اخیستنې ته وسپارل شوې.
دا ښوونځي ۱۰، ۸ یا ۶ ټولګي، تشنابونه او د څښاک د اوبو څاه ګانې لري، د دې پروژو د پلي کیدا پر مهال تخنیکي او نا تخنیکي کارګرو ته زرګونه کاري ورځې هم رامنځ ته شوې وې.
یاده دې وې چې د دې ښوونځيو په جوړولو سره څه باندې ۳ زره زده کوونکو ته د ښوونې او روزنې وړ چاپیریال رامنځ ته شو.
