د کلیوالي اقتصاد د پیاوړتیا ملي پروګرام سیمه ییزه کارکونکو ته د اسلامي بانکدارۍ روزنه پیل شوه
د کلیو بیارغونې او پراختیا وزارت د کلیوالي اقتصاد د پیاوړتیا ملي پروګرام د اسلامي بانکدارۍ او مالي سود تر سرلیک لاندې د دیارلسو ولایتونو (ننګرهار، لغمان، کنړ، نورستان، خوست، غزني، پکتیا، پکتیکا، بلخ، فاریاب، جوزجان، سمنګان او سرپل) څخه د ولسوالۍ په کچه د پروګرام د همغږۍ ۳۵ تنه کارکوونکو ته د پروګرام په مرکزي دفتر کې ۴ ورځنۍ روزنه پیل کړه.
د اسلامي بانکدارۍ تاریخچه، د اسلامي راکړو ورکړو ډولونه، د بانکي حسابونو بڼې، سود، د ماليې ورکړه، مالي او بانکي پوهاوی هغه موضوعات دي، چې په دې روزنه کې به د پروګرام سیمه ییزه کارکوونکو ته تشریح شي.
د یادونې وړ ده، چې د اسلامي بانکدارۍ په اړه دا روزنه به د پروګرام په مرکزي دفتر کې د څلورو ورځو لپاره روانه وي.
