په جوزجان کې د ۱۲،۸ ميلیونه افغانیو په ارزښت د پنځو پرمختیایي پروژو چارې بشپړې شوې
د کليو بیارغونې او پراختیا وزارت د کلیوالي سړکونو د جوړولو ملي پروګرام له لوري د جوزجان ولایت په مرکز او فیض اباد په ولسوالۍ کې د ۱۲،۸ ميلیونه افغانیو په ارزښت د پنځو پرمختیایي پروژو چارې بشپړې شوې.
په دې پروژو کې ۳۶ پلچکونه او د ۲۱،۲ کیلومتره سړک ساتنه چې (د شبرغان ښار په قوش کول کلي کې۵،۴ کیلومتره سړک ، د فیض اباد ولسوالۍ په کوکلداش کلي کې د ۶ کيلومتره سړک، د فیض اباد ولسوالۍ په جوي وزیر کلي کې ۵ کیلومتره سړک ، د فیض اباد ولسوالۍ په خانمي ترکمنیه یي کلي ۳،۶ کیلومتره سړک او د فیض اباد ولسوالۍ په خانمي او عربیه کلي کې ۱،۰۲ کیلومتره سړک رغول شامل دي،)
د یادونې وړ ده، چې د دې پروژو په مټ ۸۷۵۰ کسانو ترانسپورټي ستونزې حل شوې.
