تیره اونۍ په هیواد کې دوه ښوونځي جوړ شول او په ۶ ولایتونو کې د۷ نورو ښوونځیو د جوړیدو چارې بشپړیدو ته نږدې دي
د کلیو بیا رغونې او پراختیا وزارت دولسي تړون ملي پروګرام د اقرا پروژې تر چتر لاندې تیره اونۍ دکابل ولایت په کلکان او میربچه کوټ ولسوالیو کې دوه ښوونځي جوړ اود نورو ۷ ښوونځیو دجوړیدو چارې د کندهار ولایت په ژیړۍ او میوند، دننګرهار ولایت په کوز کونړ، دکابل ولایت په ګلدرې، لوګرولایت په برکي برک، دکندز ولایت په خان اباد او دپکتیکا ولایت په سروبي ولسوالیو کې بشپړیدو ته نږدې شوي دي او ژر به ګټې اخستنې ته وړاندې شي.
دا ښوونځي ۱۲، ۱۰.۸ یا ۶ ټولګي، تشنابونه او دڅښاک داوبو څاه ګانې لري او د جوړیدو پر مهال یې د تخنیکي اوغیر تخنیکي کارګرو لپاره ۱۷ زره او ۵۰۰ کاري ورځې را منځته کیږی.
باید ووایو چې جوړو شویو ښوونځیو د۴۳۰ زده کوونکو لپاره دزده کړې وړ چاپیریال را منځته کړی او جوړیدونکي ښوونځي به ۱۸۳۴ زده کوونکو ته د زده کړې وړ چاپیریال را منځته کړي.
