په سرپل کې د یوه کرنیز کانال په جوړیدو سره د ۵۵ کورنیو ۴۰۰ جریبه ځمکې خړوبیږي
د کلیو د بیارغونې او پراختیا وزارت د ولسي تړون ملي پروګرام له لوري دسرپل ولایت مرکز اړوند چهاریکه جوې شهید پراختیایې شورا لخوا د یوه کرنیز کانال په جوړیدو سره د ۵۵ کورنیو شاوخوا ۴۰۰ جریبه کرنیزې ځمکې خروبیږې. دغه کانال ۲۰۰ متره اوږدوالې لري او شاوخوا ۲ میلیونه ۸۸ زره افغانې لګښت پرې راځي چې کار یې ۵۰ سلنه پرمخ تللی دی. دیادونې وړ ده چې ددغې پروژې د کار په بهیر کې به ماهرو او ناماهرو کاریګرو ته ۱۱۴۶ کاري ورځې رامنځته شي .
