په کونړ کې د۱۰ میلیونه افغانیو په ارزښت د محافظوي ديوال پروژه بشپړه شوه
د کليو بيا رغونې او پرمختيا وزارت د سيمه ييز پروگرام له لوري د کونړ ولايت د خاص کونړ ولسوالۍ په شامکار کلي کې د ٤٤٥ مترو په اوږدوالي د محافظوي ديوال پروژه چې څه باندې ١٠ ميليونه افغانۍ ارزښت لري بشپړه شوه.
د دغې پروژې په ترڅ کې چې له ملي بوديجې تمويل شوې ١٣٥٤ کاري ورځې رامنځته شوي او د سيمې ٢٢٤٠ اوسيدونکي ترې گټه پورته کوي.
د يادونې وړ ده چې د دغې پروژې په بشپړيدو د سيمې جریبونه کرنیزه ځمکه د سيلابونو له گواښ څخه خوندي شويده.
