په ۱۳۹۸ کال کې په تخار کې د ۱.۱۷۲ میلیاردو افغانیو په ارزښت ۱۵۷ پروژې بشپړې شوي
د کلیو بیا رغونې او پراختیا وزارت په ۱۳۹۸ لمریز کال کې د تخار ولایت په بیلابیلو ولسوالیو کې د ۱.۱۷۲ میلیاردو افغانیو په ارزښت د کرنې، ترانسپورت، ټولنیز خوندیتابه، بریښنا او د څښاک د اوبو چمتو کولو په برخه کې ۱۵۷ پروژې بشپړې کړي او ګټې اخستنې ته سپارلې دي، د تخار ولایت د کلیو بیا رغونې او پراختیا رییس صبغت الله نظري د ۱۳۹۸ ل کال د فعالیتونو او لاس ته راوړنو د بیانولو پر مهال یوې غونډې وویل چې ددې پروژو په ترڅ کې ۱۹۵ زره ۱۴۲ کارګرو ته کاري ورځې رامنځ شوې وې او ۷۱ زره او ۵۸۴ کورنۍ ترې نیغ په نیغه ګټه پورته کوي نوموړي وویل هغه ۳۶ پروژې چې په یاد کال کې د همکارو موسسو له خوا تر کار لاندې وې ۲۶ پروژې یې بشپړې شوي او ګټې اخیستنې ته سپارل شوي.
