په کندهار کې د څه باندې ۶ ميليونه افغانيو په ارزښت د کاريز او کانال پروژه بشپړه شوه
د کليو د بيا رغونې او پرمختيا وزارت د سيمه ييز پروګرام تر څار لاندې د څه باندې ۶ ميليونه افغانيو په ارزښت د کندهار ولايت د تخته پل ولسوالي په حاجي شير کلي کې د اوبو لګولو د ۷۲۲ متره کانال، کاريز، بند او زيرمتون د جوړولو پروژه بشپړه شوه.
د دغې پروژې د تطبيق پر مهال ۳۸۳۱ کاري ورځې رامنځته شوي او د سيمې ۱۰۵۰ اوسيدونکي ترې ګټه پورته کوي.
ياده پروژې چې له ملي بوديجې تمويل شوې د سيمې ۲۵۰ جريبه کرنيزه ځمکه يې د اوبو لګولو تر منظم پوښښ لاندې راوستې چې پدې توګه به د ځايي بزګرانو د حاصلاتو د لوړيدو له لارې د دوي د اقتصادي اړخ د غوړيدا په برخه کې ګټوره پريوځي.
