په لوګر کې د ۳ پروژو د تطبیق چارې پیل شوې
د څه باندې ۸ میلیونه افغانیو په ارزښت د اوبو لګولو د کاریز د ۳ پروژو د تطبیق چارې په لوګر ولایت کې پیل شوې. د دغو پروژو په لړ کې د دغه ولایت د محمد آغې ولسوالي په خانانو او سورلنډي کلیو کې د ۴۴۲۸ مترو په اوږدوالي د اوبو لګولو د کاریزونو څاګانې او کانالونه پاک او په اساسي ډول رغول کیږي. د یادو پروژو د تطبیق پر مهال ۷۵۷۸ کاري ورځې رامنځته کیږي او په بشپړیدو به یې ۳۴۰ جریبه کرنیزه ځمکه د اوبو لګولو تر منظم پوښښ لاندې راشي چې د سیمې ۲۷۰۹ اوسیدونکي به ترې ګټه پورته کړي. دغه پروژې له ملي بودیجې تمویل شوي او د کلیو بیا رغونې او پرمختیا وزارت د سیمه ییز پروګرام تر څار لاندې د ځايي پرمختیايي شوراګانو له لوري تطبیقیږي.
