د کلیو د بیا رغونې او پرمختیا وزارت سیمه ییز پروګرام له 2016 زیږدیځ کال را پدیخوا د څه باندې 702 ميليونه افغانیو په ارزښت 116 عام المنفعه پروژې د ننګرهار ولایت په بیلابیلو سیمو کې تطبیق کړي چې 73 دغه پروژې بشپړې او 43 نورې یې د بشپړیدو په حال کې دي.
د دغو پروژو په لړ کې چې 74 یې له ملي بودیجې، 22 یې د نړیوال آسیايي بانک، 12 یې د ایټالیا او 8 یې د هندوستان له لوري تمویل شوي 311,275 کاري ورځې رامنځته او 590,088 ځايي اوسیدونکي لدغو پروژو هر اړخیزه ګټه پورته کوي.
د دغو پروژو د تطبیق پر مهال استنادي دیوالونه، د اوبو لګولو سربندونه او کانالونه، ښوونځي، د عامه خدمتونو د ادارې تعمیرونه، ټرانسپورټي پلونه، کانکریټي سړکونه او سولر پمپونه جوړ شویدي.
د یادونې وړ ده چې دغو پروژو د ځايي اوسیدونکو د ټولنیز ژوندانه په بیلابیلو اړخونو کې د پام وړ مثبت خپل اغیز شیندلی دی.
