د کلیو د بیارغونې او پراختیا وزارت د کلیو ودانیزو چارو مرستیال په ننګرهار کې د پراختیايي پروژو د کار له بهیر څخه څارنه ترسره کړه
د کلیو د بیارغونې او پراختیا وزارت د کلیو ودانیزو چارو مرستیال ښاغلي الحاج محمد ارسلاح خروټي ننګرهار ولایت ته د کاري سفر په ترڅ کې د دغه ولایت د بېرته راستنېدونکو کډوالو ښارګوټي کې د اوبو رسولو شبکې او د یو شمېر نورو اوبو رسولو شبکو د کار له بهیر څخه لیدنه ترسره کړه .
د کلیو ودانیزو چارو مرستیال صاحب د یادو پروژو د تطبیق بهیر، ساختماني کیفیت، د کارونو د پرمختګ کچه، د تخنیکي معیارونو مراعات او د پروژو د تطبیق پر مهال د اړوندو انجنیري اصولو د رعایت څرنګوالی له نږدې وڅېړه او په ننګرهار ولایت کې د پروژو د چارو د ښه کیفیت او معیاري تطبیق څخه ستاینه وکړه.
د لیدنې پر مهال مرستیال صاحب وویل چې د بیارغونې او پراختیا پروژې باید د ټاکل شوو تخنیکي معیارونو، کیفیتي اصولو او منظور شوو طرحو له مخې باید په شفاف او معیاري ډول تطبیق شي، څو د پروژو له بشپړېدو وروسته یې ګټه اخیستنه اوږدمهاله او د خلکو اړتیاوې په ښه توګه پوره شي.
