په کونړ کې د اوبو رسولو یوه پروژه ګټې اخیستنې ته وسپارل شوه
د کلیو بیارغونې او پراختیا وزارت په کلیوالي سیمو کې د اوبو رسولو او حفظالصحې د پروګرام له لوري، د کنړ ولایت د مرهورې ولسوالۍ په «رشید کورنه» کلي کې د ۲.۷ میلیونه افغانیو په لګښت د اوبو رسولو یوه لمریزه شبکه جوړه او د خلکو ګټې اخیستنې ته وسپارل شوه.
د پروژې په بشپړېدو سره د شاوخوا ۲۰۰ کورنیو لپاره د څښلو پاکې اوبه برابرې شوې. همدارنګه، د پروژې د جوړولو چارو د ځايي خلکو لپاره شاوخوا ۱۲۰ کاري ورځې هم رامنځته کړې.
په یاده شوې پروژه کې د یوې څاه کیندل، د سولرونو لپاره دمحافظتي دیوال او یوې ذخیرې جوړول، د ۲۴۰۰ متره اوږدې شبکې غځول او د سولرونو، نلکو او نورو اړینو وسایلو نصبول شامل وو.
