په هرات ولایت کې د ۱.۷ میلیونه افغانیو په ارزښت د کرنیزو اوبو لګولو د یوه کانال د جوړیدو کاربشپړ شو
د کلیو د بیارغونې او پراختیا وزارت د ولسي تړون ملي پروګرام له لوري د هرات ولایت د زنده جان ولسوالۍ اړوند صفرخان کلي د پراختیایي شورا لخوا د ۱.۷ میلیونه افغانیو په ارزښت د یوه کرنیز کانال د جوړیدو کار بشپړ شو.
نوموړي کانال چې ۳۱۰ متره اوږدوالی او ۱۲۰ سانتی متره لوړوالی لري د کلیوالو ۱۵۰ جریبه کرنیزه ځمکه خړوبوي. د یادونې وړ ده چې د دې پروژې د جوړیدو په بهیر کې ۸۰۰ تنه اوسیدونکو ته کاري ورځې رامنځته شوې چي ۲۵۰ کورنۍ ترینه ګټه اخلي.
