د کلیو د بیارغونې او پراختیا وزارت د کلیو ودانیزو چارو مرستیال الحاج محمد ارسلاح خروټي صاحب د هرات ولایت له والي سره وکتل
د کلیو د بیارغونې او پراختیا وزارت د کلیو ودانیزو چارو مرستیال الحاج محمد ارسلاح خروټي او مل پلاوي د هرات ولایت له والي شیخ نوراحمد اسلام جار سره لیدنه وکړه.
د لیدنې په پيل کې د هرات ولایت والي په یاد ولایت کې د کلیو د بیارغونې او پراختیا وزارت له اغیزمنو کارونو څخه مننه وکړه او د هرات ولایت د خلکو د اړتیاوو پر بنسټ يې د پاکو اوبو رسولو، پلونو، پلچکونو او کلیوالي سړکونو د جوړولو پروژو د پلي کېدو غوښتنه وکړه.
ورپسې د کلیو د بیارغونې او پراختیا وزارت د کلیو ودانیزو چارو مرستیال الحاج محمد ارسلاح خروټي د هرات ولایت والي ته وویل: د کلیو د بیارغونې او پراختیا وزارت د پروژو د پلي کولو پرمهال لومړیتوبونه په پام کې نیسي او د متوازن انکشاف له مخې کار کوي. موږ تل کوښښ کوو خپل ولس ته داسې ټولګټې او پراختیايي پروژې پلې کړو چې له اسانتیاوو څخه يې څوک بې برخې پاتې نه شي.
