د تړون ورکولو د پریکړې خبرتیا

د ساختماني شرکتونو د پام وړ!

په دې توګه د ملي تدارکاتو د ۱۵/۱۲/۱۴۴۷ نیټې د ۲۰۰۷۲ شمیره خبرتیا په تعقیب ټولو ته خبر ورکول کیږي چې د کلیو د بیارغونې او پراختیا وزارت په پام کې لري ترڅو د زابل ولایت د خاک افغان ولسوالۍ په ځنګلي کلي کې د (۲۲) مترو په اوږدوالي د ګاډري ډول اوسپني کانکریټي پُل د جوړولو تړون چې MRRD/1405/NCB/W- 464 تشخیصیه نمبر لرونکی دی ،  د D-04-199  نمبر جواز لرونکی د سعادت بارک ساختماني شرکت ته په ټولیز ډول ۱۳،۹۷۷،۲۲۹،۹۹ ( دیارلس میلیون او نهه سوه او اوه اویا زره او دوه سوه او نهه ویشت اعشاریه نهه نوي افغانۍ) اعطا کړي.

 هغه حقیقي او حکمي اشخاص چې په یاده برخه کې هر ډول اعتراض لري، کولای شي خپل اعتراض له دلایلو سره په لیکلې بڼه د دې اعلان له خپریدو څخه تر (۵) کاري ورځو پورې نیله باغ سړک، دارالامان، د کلیو د بیارغونې او پراختیا وزارت، د تدارکاتو ریاست ته وړاندې کړي.

دا خبرتیا د تړون لاسلیک کولو په مانا نه ده او د پورته یاده شوې نیټې او د وروستي قانوني طی مراحل تر بشپړیدو، تړون به لاسلیک نشي.