په ننګرهار کې د کانکریټي ډوله سړک د جوړولو کار روان دی
د کلیو د بیا رغونې او پراختیا وزارت د سیمه ییز پروګرام له لوري د ننګرهار ولایت د کامې ولسوالۍ په کندهاريانو کلي کې د ۱۱. ۴ میلیونه افغانیو په ارزښت د۸۸۰ مترو په اوږدوالي کانکریټي ډوله پوخ سړک د جوړولو کار ۸۵ سلنه مخ ته تللی دی.
د یادې پروژې د تطبیق پر مهال به چې له ملي بودیجې تمویل شوې ۱۵۳۴ کاري ورځې رامنځته شي او په بشپړیدو به یې د سیمې ۱۷۱۵ اوسیدونکي ترې ګټه پورته کړي. د یادونې وړ ده چې د دغې پروژې په بشپړیدو به هلته د ځايي اوسیدونکو د تګ او راتګ ستونزې هم هوارې شي.
