په ننګرهار کې د څه باندې ۴ میلونه افغانیو په لګښت د۹۰۰ متره سړک جوړولو کار پیل شو
د کلیو د بیا رغونې او پراختیا وزارت د ولسي تړون ملي پروګرام دڅارنې، ساتنې او ودانۍ لپاره د پراختیایي نغدي وجهې پروګرام (MCCG) له لوري د څه باندې ۴ میلونه افغانیو په لګښت د ۹۰۰ مترو په اوږدوالي د یو سړک او د هغه د غاړې د ویالو د جوړولو کار د ننګرهارولایت د چپرهار ولسوالۍ اړوند د اتفاق فامیلي د پراختیایي شورا له خوا پیل شو. د نوموړې پروژې د کار په بهیر کې به ۱۷۱ تنو ماهرو او غیرو ماهر کاریګروته د کار زمینه برابره شي او د دغې پروژې د کار له بشپړیدو وروسته به ۸۵۷ کورنۍ ترینه ګټه واخلي.