په فاریاب کې د ۸.۸ میلیونه افغانیو په ارزښت د اوبو رسولو د دوو شبکو کار پیل شو
د کلیو بیا رغونې او پراخیتا وزارت د اوبو رسولو او کلیوالي حفظ الصحې ملي پروګرام له لوري د فاریاب ولایت د قیصار ولسوالۍ په ارضلیک پایان کلي او د غورماچ ولسوالۍ په تخت بازار حاجي احمد کلي کې د ۸.۸ میلیونه افغانیو په ارزښت د اوبو رسولو د دوو شبکو جوړولو کار پیل شو.
دا شبکې د ۲۰ مترو مکعبو په کچه هسکې اوسپنیزې کانکریټي زیرمې، د احاطې دیوال، ۶۰ سولرې تختې، ۱۷۴ نلکې او د میټرونو بکسونه لري، او په بشپړتیا سره یې ۳۳۰ کورنۍ د څښاک پاکو او صحي اوبو ته لاسرسی پیدا کړي.
