په سرپل کې د ۱۰ میلیونه افغانیو په ارزښت د اوبو رسولو د یوې شبکې جوړولو کار روان دی
د کلیو بیا رغونې او پراختیا وزارت له لوري د سرپل ولایت د ګوسفندي ولسوالۍ په ابخور کلي کې د ۱۰ میلیونه افغانیو په ارزښت د اوبو رسولو د یوې شبکې جوړولو کار روان دی چې ژر به ګټې اخیستنې ته وسپارل شي.
دا شبکه چې په ټوله کې ۱۴.۳۵۳ کیلو متره اوږدوالی لري او په ۳ برخو کې جوړیږي ۵۰ سولري تختې، اوسپنیزه کانکریټي زیرمه، ۶ فشار ماتونکې زیرمې، ۳ د فشار کمولو والونه او ۵۱ نلکې لري.
یاده دې وي چې ددې شبکې کار ۹۸ سلنه مخکې تللی او په بشپړتیا سره به یې ۷۱۵ کورنۍ د څښاک پاکو او صحي اوبو ته لاسرسی پیدا کړي.
