په کندهارکې د ۱.۳ میلیونه افغانیو په ارزښت د اوبو لګولو د کانال د جوړولو کار روان دی
د کلیو بیا رغونې او پراختیا وزارت د ولسي تړون ملي پروګرام له لوري د کندهار ولایت د پنجوایي ولسوالۍ اړوند په عبدالغفور کلي کې د ۱.۳ ميليونه افغانیو په لګښت د اوبو لګولو د یو کانال د جوړولو کار روان دی.
ددې کانال اوږدوالی ۱۲۰۰ متره دی چې پر دې کانال ۱۶ بندونه او ۸ ورخونه جوړ شویدي. ددې کانال تر بشپړتیا وروسته به ۴۲ کورنۍ ترینه ګټه اخلي. د پروژې د جوړولو په بهیر کې تخنیکي او نا تخنیکي کاریګرو ته ۱۰۱۸ کاري ورځې رامنځته شوي چې د کلیوالو ۱۴۵ جریبه ځمکه به داوبه خور تر منظم پوښښ لاندې راولي.
