په ۲۰۲۱ کال کې د اوبو رسولو ۱۶۸ پروژې تکمیلې شوې

noor_admin
شنبه ۱۴۰۰/۱۰/۲۵ - ۱۱:۲۰
پروژ

د کلیو د بیارغونې او پراختیا وزارت په کلیوالي سیمو کې د اوبو رسولو او حفظ‌الصحې ریاست د ۲۰۲۱ کال په جريان کې د هېواد د ۲۸ ولایتونو په (۷۶) ولسوالیو کې د څښاک د اوبو ۱۶۸ پروژې تطبیق کړې دي.

د یادو پروژو په تطبیق سره د هېواد د بېلا بېلو ولسوالیو په مختلفو کلیو کې د څښاک د اوبو ۹۸ شبکې، په لاسي بمبو سمبال ۱۲۹ څاه ګانې او ۹۸ ذخیرې جوړې شوې دي.

د اوبو رسولو د ۹۸ شبکو له جملې څخه په تخار ولایت کې ۱۶ ، په غور ولایت کې ۹ ، په روزګان او خوست ولایتونو کې کې اته اته؛ په ننګرهار کې ۶ په پروان کې ۵، په کاپیسا او ډایکنډي کې څلور څلور؛ په وردګو، هرات، فاریاب، سمنګانو او پکتیا ولایتونو کې درې درې؛ په هلمند، نورستان، کنړ، کابل، سرپل، بلخ، بغلان، بدخشان او بادغیس ولایتونو کې دوې دوې او په فراه، غزني، زابل، جوزجان او بامیانو ولایتونو کې یوه یوه شبکه جوړه شوې ده. همدارنګه د هېواد په لسو ولایتونو لکه: کندوز، ننګرهار، فراه، وردګ، بغلان، تخار، کابل، پروان، خوست او فاریاب کې په لاسي بمبو سمبال ۱۲۹ څاه ګانې او په شپږ ولایتونو لکه بادغیس، بدخشان، جوزجان، سرپل، هلمند او فاریاب کې د اوبو ۹۶ ذخیرې جوړې شوې دي. د پورته ذکر شویو پروژو د تطبیق په پایله کې د یادو ۲۸ ولایتونو د شاوخوا (۲۶۹،۳۸۱) کسانو لپاره د څښاک پاکې اوبه چمتو شوې دي. د اوبو رسولو په دغو ۱۶۸ پروژو باندې ـ چې د هېواد د ۲۸ ولایتونو په ۷۶ بېلا بېلو ولسوالیو کې تطبیق شوې دي ـ مجموعاً (۴۷۱ میلیونه، ۲۳۷ زره او ۹۹۲) افغانۍ لګېدلې دي. د اوبو رسولو د دغو پروژو چارو دغه راز د اړوندو سیمو د ځايي خلکو لپاره څه باندې (۲۸۸،۰۰۰) کاري ورځې هم رامنځته کړې دي.

تازه خبرونه

پنجشنبه ۱۴۰۰/۱۰/۳۰ - ۱۳:۵۴
Background image

د کلیو د بیارغونې او پراختیا وزارت د ودانیزو چارو معین د اطلاعاتو او رسنیو په مرکز کې د یاد وزارت لاسته راوړنې رسنیو ته بیان کړې.

په یاد خبري کنفرانس کې ملا نورالهادی عادل د کلیو د بیارغونې او پراختیا وزارت ویاند او د اطلاعاتو او عامه پوهاوي ریس، خبریالانو او د یاد وزارت یو شمیر کارکوونکو ګډون کړی وو.

معین صاحب د. . .

چهارشنبه ۱۴۰۰/۱۰/۲۹ - ۱۲:۲۵
Background image

په ۲۰۲۱ کال کې؛ د هیواد په اتو ولایتونو کې ۷۲۵ کلي پاک اعلان شو

په کلیوالي سیمو کې د اوبو رسولو او حفظ ‌الصحې د ریاست د حفظ‌الصحې او پاکوالي د تعلیماتو څانګې په ۲۰۲۱ کال د سي‌اِل‌ټي‌اِس طریقه د هیواد د اتو ولایتونو د نهو ولسوالیو لکه (د بادغیس ولایت. . .

چهارشنبه ۱۴۰۰/۱۰/۲۹ - ۱۰:۵۸
Background image

د کلیو د بیارغونې او پراختیا وزارت سرپرست وزیر د زابل ولایت له سپین ږیرو سره وکتل

د کلیو د بیارغونې او پراختیا وزارت سرپرست وزیر الحاج م لا محمد یونس اخندزاده په خپل کاري دفتر کې د زابل ولایت له سپین ږیرو، علماوو، مشرانو او مخورو سره لیدنه وکړه.

 په دغه لیدنه کې. . .

BACK TO NEWS