د کلیو د بیارغونې او پراختیا وزارت سرپرست وزیر د څه باندې ۳۵۷ میلیونه افغانیو په ارزښت د ۹۸ پروژو تړونونه لاسلیک کړل.

noor_admin
سه‌شنبه ۱۴۰۰/۱۰/۱۴ - ۱۲:۳۰
تړونونه

د کلیو د بیارغونې او پراختیا وزارت سرپرست وزیر الحاج ملا محمد یونس اخندزاده نن د یوې غونډې په ترڅ کې د څه باندې ۳۵۷ میلیونه افغانیو په ارزښت د ۹۸ پروژو تړونونه د ۲۷ ولایتونو اړوند د کلیو د پراختیايي شوراګانو سره لاسلیک کړل.

یاده غونډه د قران کریم د څو مبارکو آیتونو په تلاوت سره پیل شوه، په دغه غونډه کې د کلیو د بیارغونې او پراختیا وزارت اداري او مالي معین حاجي مولوي عبدالرحمن حلیم، د کليو د ودانیزو چارو معین مفتي سید احمد مستقیم، د اوبو رسولو د پروګرام رئیس مولوي بخت منیر او د کلیو د بیارغونې او پراختیا وزارت نورو رئیسانو، د ولایتي شوراګانو رئیسانو، د (۹) همکارو مؤسسو استازو او ګڼ شمیر کارکوونکو ګډون کړی وو.

غونډې ته مفتي سید احمد مستقیم ارزښتناکه وينا وکړه، نوموړي د خپلې وینا په ترڅ کې څرګنده کړه چې د اوبو رسولو دغه پروژې په کلیوالي سیمو کې د اوبو رسولو او حفظ الصحې د ریاست له طریقه تطبیق او په افغانستان کې د ملګرو ملتونو د ماشومانو د ملاتړ د ادارې (یونیسف) لخوا تمویل کیږي.

د همدغه پروژو په تطبيق سره به شاخوا ۱۸۳۰۰۰ کسان د څښاک د اوبو او حفظ الصحې له اسانتیاوو څخه برخمن شي او د یادو پروژو د جوړولو چارې به د ځايي خلکو لپاره شاخوا ۳۰۵۰۰۰ کاري ورځې رامنځته کړي.

همدارنګه د ۹ موسسو سره د څښاک د اوبو، حفظ الصحې او پاکوالي (واش) د پروژو تفاهم لیکونه لاسلیک شول. یادې موسسې به د هېواد په بیلابیلو ولایتونو کې څه باندې د (۱۶) میلیونه ډالرو په ارزښت د څښاک د اوبو، حفظ الصحې او پاکوالي (واش) مختلفې پروژې تطبیق کړي او د دغه پروژو څخه به (۱،۲) میلیونه هېوادوال برخمن شي. غونډه په دعا پای ته ورسېد.

تازه خبرونه

پنجشنبه ۱۴۰۰/۱۰/۳۰ - ۱۳:۵۴
Background image

د کلیو د بیارغونې او پراختیا وزارت د ودانیزو چارو معین د اطلاعاتو او رسنیو په مرکز کې د یاد وزارت لاسته راوړنې رسنیو ته بیان کړې.

په یاد خبري کنفرانس کې ملا نورالهادی عادل د کلیو د بیارغونې او پراختیا وزارت ویاند او د اطلاعاتو او عامه پوهاوي ریس، خبریالانو او د یاد وزارت یو شمیر کارکوونکو ګډون کړی وو.

معین صاحب د. . .

چهارشنبه ۱۴۰۰/۱۰/۲۹ - ۱۲:۲۵
Background image

په ۲۰۲۱ کال کې؛ د هیواد په اتو ولایتونو کې ۷۲۵ کلي پاک اعلان شو

په کلیوالي سیمو کې د اوبو رسولو او حفظ ‌الصحې د ریاست د حفظ‌الصحې او پاکوالي د تعلیماتو څانګې په ۲۰۲۱ کال د سي‌اِل‌ټي‌اِس طریقه د هیواد د اتو ولایتونو د نهو ولسوالیو لکه (د بادغیس ولایت. . .

چهارشنبه ۱۴۰۰/۱۰/۲۹ - ۱۰:۵۸
Background image

د کلیو د بیارغونې او پراختیا وزارت سرپرست وزیر د زابل ولایت له سپین ږیرو سره وکتل

د کلیو د بیارغونې او پراختیا وزارت سرپرست وزیر الحاج م لا محمد یونس اخندزاده په خپل کاري دفتر کې د زابل ولایت له سپین ږیرو، علماوو، مشرانو او مخورو سره لیدنه وکړه.

 په دغه لیدنه کې. . .

BACK TO NEWS