د کلیو د بیارغونې او پراختیا وزارت خپل فعالیتونه او لاسته راوړنې له رسنیو سره شریکې کړې

noor_admin
چهارشنبه ۱۴۰۲/۱۱/۴ - ۱۷:۴
1

د کلیو د بیارغونې او پراختیا وزارت سرپرست وزیر الحاج ملا محمد یونس اخندزاده نن له غرمې مخکې د اطلاعاتو او رسنیو د مرکز په خبري کنفرانس کې د یاد وزارت فعالیتونه او لاسته راوړنې رسنیو ته وړاندې کړې.

په یاد خبري کنفرانس کې د وزارت مالي او اداري مرستیال الحاج مولوي عبدالرحمن حلیم، د کلیو ودانیزو چارو مرستیال مفتي سید احمد مستقیم، مرکزي رئیسانو او خبریالانو ګډون کړي وو.

د خبري کنفرانس په پيل کې الحاج ملا محمد یونس اخندزاده وینا وکړه او ويې ویل: د کلیو د بیارغونې او پراختیا وزارت د مالي امکاناتو له کموالي سره سره وکولای شول چې د هېواد په لرې پرتو سیمو کې کلیوالو ته د پاکو اوبو د برابرولو، د چیکډیمونو، پلونو، پلچکونو، کلیوالي سړکونو او استنادي دیوالونو د جوړولو پروژې تطبیق کړي.

ورپسي د کلیو د بیارغونې او پراختیا وزارت د دفتر رئیس مولوي مرزا محمد شکیب د یاد وزارت د وروستیو فعالیتونو او لاسته راوړنو په هکله وویل: د بدخشان ولایت په واخان ولسوالۍ کې له بروغیل څخه تر بزهای ګنبد پورې د سړک د ترمیم او بیاجوړونې او له بزهای ګنبد څخه د چین هېواد تر پولې پورې د سړک، د بادغیس ولایت په قادس ولسوالۍ کې د ذخیروي بند او په مرکز قلعه نو کې د پاکو اوبو رسولو د شبکې، د کندهار ولايت په سپين بولدک ولسوالۍ کې د استنادي ديوال او د هېواد د (۱۳) ولایتونو په (۱۴۲) ولسوالیو کې د باراني اوبو د ذخیره کولو په موخه د چیکډیم د جوړولو چارې پيل شوي.

دغه راز محترم شکیب صاحب د خپلو خبرو په ترڅ کې زیاته کړه چې د افغانستان اسلامي امارت د رهبرۍ د فوق العاده فرمان په اساس د نیمروز ولایت په خاشرود ولسوالۍ کې د شاوخوا دوه میلیارده افغانیو په ارزښت د اوبو لوی بند جوړیږي.

یاد خبري کنفرانس د خبریالانو د پوښتنو د ځواب ورکولو وروسته پای ته ورسید.

تازه خبرونه

شنبه ۱۴۰۲/۱۲/۵ - ۱۰:۴۸
Background image

د کلیو د بیارغونې او پراختیا وزارت د مرکزي او ولایتي رئیسانو روزنیز ورکشاپ ترسره شو

د کلیو د بیارغونې او پراختیا وزارت د مرکزي رئیسانو، ولایتي رئیسانو او ولایتې انجینرانو د همغږۍ درې ورځنی دایر شوی روزنیز ورکشاپ د یاد وزارت د سرپرست وزیر الحاج ملا محمد یونس اخندزاده په. . .

یکشنبه ۱۴۰۲/۱۱/۲۹ - ۱۶:۳۴
Background image

د کلیو د بیارغونې او پراختیا وزارت له لوري په کابل ولایت کې د اوبو رسولو څلور شبکې ګټې اخیستنې ته وسپارل شوې

د کلیو د بیارغونې او پراختیا وزارت له لوري او د یونیسف دفتر په مالي مرسته د کابل ولایت د استالف، کلکان، ده سبز او فرزه ولسوالیو په روغتیايي کلینیکونو کې د (۶۶۵۱۴۲۲) افغانیو په لګښت د. . .

دوشنبه ۱۴۰۲/۱۱/۱۶ - ۹:۲۴
Background image

د کلیو د بیارغونې او پراختیا وزارت له لوري په میدان وردګو ولایت کې (۴۵۱) پراختیايي پروژې ګټې اخیستنې ته وسپارل شوې

د کلیو د بیارغونې او پراختیا وزارت له لوري او د (UNOPS) دفتر په مالي مرسته د میدان وردګو ولایت د مرکز میدان ښار، جلریز او لومړۍ حصې بهسودو ولسوالیو په بېلابېلو کليو کې د څه باندې (۳۲۳). . .

BACK TO NEWS