د کليو بیارغونې او پراختیا وزارت د ليتاکا پروګرام دریم پړاو د جاپان هېواد په مالي مرسته پیل شو

mrrd-admin
چهارشنبه ۱۳۹۹/۸/۲۸ - ۱۱:۹
مرحله‌ی سوم برنامه‌ی لیتاکای وزارت احیا و انکشاف دهات به کمک مالی کشور جاپان آغاز شد

د افغان- تاجیک په سرحدي سیمو کې د ليټاکا دریم پړاو د کلیو بیا رغونې او پراختیا وزیر پوهندوی مجیب الرحمن کریمي، د جاپان هیواد شارزدافیر او سرپرست سفیر يوشیاکي تکاهیشی، په افغانستان کې د ملګرو ملتونو پرمختیايي ادارې (UNDP) مشر عبدالله الدارداري او په کابل کې د تاجکستان د سفیر مرستیال په حضور کې رسماً پیل شو.

د کليو بیارغونې او پراختیا وزیر یې د پرانېستې په مراسمو کې وویل، دا پروګرام د ۵ کلونو لپاره د ۹،۴ ميلیونه ډالرو په ارزښت ډیزاین شوی، چې د افغانستان د شمالي سرحدي سیمو د انډولیزې پرمختیا په برخه کې یو ښه فرصت دی.

ښاغلي کریمي وویل، لیتاکا په بدخشان، تخار، کندز او بلخ ولایتونو کې د ۲۲ ولسوالیو خلکو ته ۴۷۵۰ دایمي کارونه پیدا کړي دي.

د کلیو بیا رغونې او پراختیا وزیر دا هم وویل چې دا د افغانستان او تاجکستان تر منځ ګډ پروګرام دی او هڅه کوي چې دغه راز سرحدي پروګرامونه له ازبکستان، ترکمنستان، ایران او پاکستان هیوادونو سره هم پیل کړي.

د جاپان هېواد سفیر د کلیو بیا رغونې او پراختیا وزارت له فعالیتونو په مننې سره وویل چې دا پروګرام د جاپان په مالي مرسته او د یو اېن ډي پي په تخنیکي همکارۍ د افغانستان په شمالي سرحدي سیمو کې ښه کاري فرصتونه رامنځ ته کړي.

ښاغلي یوشیاکي تکاهیشي وویل چې جاپان له افغانستان سره ژورې اړیکې لري او له ۲۰۰۱ م کال راهیسې یې له افغانستان سره ۶.۸ میلیارده ډالر مرسته کړې ده.

په افغانستان کې د یو اېن ډي پي رییس عبدالله الدارداري وویل، ليټاکا به په سیمه کې د بېلابیلو قشرونو د ژوند د ښه کولو په برخه کې ګټوره وي او سیمه ییزې سوداګرۍ ته به وده ورکړي.

د یاونې وړ ده، چې ليټاکا د هېواد د څلور شمالي ولایتونو کندوز، بدخشان، تخار او بلخ په هغو ولسوالیو کې فعالیت لري، چې له تاجکستان سره پر پوله پرتې دي او په تېر لومړي او دویم پړاو کې برخوالو ۱۷۰ زره ډالره عواید ترلاسه کړي دي.

تازه خبرونه

پنجشنبه ۱۳۹۹/۹/۶ - ۱۲:۱۴
Background image

په ننګرهار کې د انرژۍ ملي ستندردونو د ترویج او عامه پوهاوي ورکشاپ دایر شو

د کلیو بیا رغونې او پرختیا وزارت د دوامداره انرژۍ پروګرام (ASERD) په تخنیکي او مالي همکارۍ د انرژۍ ملي ستندردونو د ترویج او عامه پوهاوي ورکشاپ د لیندۍ پر ۵ مه نیټه په ننګرهار ولایت کې د. . .

پنجشنبه ۱۳۹۹/۹/۶ - ۱۲:۱۰
Background image

په پنجشیر کې د ۱.۵ میلیونو افغانیو په ارزښت د ۴۰۰ مترو په اوږدوالي د اوبو کانال قرار داد لاسلیک شو

د کلیو بیا رغونې او پرختیا وزارت د سیمه ییزو پروګرامونو د همغږی دفترله لوري د پنجشیر ولایت د حصه اول (خنج) ولسوالۍ په پاوات کلي کې د ۱.۵ میلیونو افغانیو په ارزښت د ۴۰۰ مترو په اوږدوالي. . .

پنجشنبه ۱۳۹۹/۹/۶ - ۱۲:۴
Background image

په تیرو دوو اونیو کې د هیواد په ۹ ولایتونوکې د ۱۵ ښوونځيو ودانۍ جوړې شوي

د کلیو بیا رغونې او پراختیا وزارت د ولسي تړون ملي پروګرام د اقرا پروژې تر سیوري لاندې د تیرو دوو اونیو په ترڅ کې د هیواد په ۹ ولایتونو کې د ۱۵ ښوونځيو ودانۍ جوړې او ګټې اخیستنې ته سپارل. . .

BACK TO NEWS