په لغمان کې د ۵،۴ ميليونه افغانیو په لګښت د ۳۴۰ متره استنادي دیوال د جوړولو هوکړه لیک لاسلیک شو
د کليو بیارغونې او پراختیا وزارت د سیمه ییزو پروګرامونو د همغږۍ دفتر له لوري د لغمان ولایت د مهتر لام اړوند خیدرخاني په سېمه کې د ۳۴۰ متره استنادي دیوال هوکړه د یاد ولایت د کليو بیارغونې او پراختیا رئیس امان الله میاخیل او د ځايي کليوالي پرمختیایي شورا سره لاسلیک شو.
په دې استنادي دیوال ۵،۴ ميليونه افغانۍ لګښت کېږي، چې چارې به یې د شپږ میاشتو په موده کې بشپړې شي او زیاته اندزه کرینزه ځمکه او د اوسیدو کورونه به د سیلاب له زیان وژغوري.
